| 1 | Epitaphium Dagobercthi Dulce caput, populi, Dagobercthe, perennis amore, Auxilium patriae, spes puerilis obis, Germine regali nascens generosus, et infans Ostensus terris, mox quoque rapte polis, Belligeri veniens Chlodovechi gente potenti, Egregii proavi germen honore pari, Regibus antiquis respondens nobilis infans, Chilpericique patris vel Fredegunde genus. |
| 2 | Te veneranda tamen mox abluit unda lavacri: Hinc licet abreptum lux tenet alma throno. |
| 3 | Vivis honore ergo et, cum iudex venerit orbis, Surrecturus eris fulgidus ore nitens. |