| 1 | Epitaphium super sepulchrum domni Chlodobercthi Flere monent populum crudelia funera regum, cum caput orbis humo maesta sepulchra tegunt. |
| 2 | hoc igitur tumulo recubans Chlodobercthus habetur, qui tria lustra gerens raptus ab orbe fuit, de proavo veniens Chlodovecho celsa propago, Chlodacharique nepos Chilpericique genus; quem de regina sumpsit Fredegunde iugali, auxerat et nascens Francica vota puer. |
| 3 | quo patris et patriae dum spes adolesceret ampla, accelerante die sors inimica tulit. |
| 4 | sed cui nulla nocent queruli contagia mundi, non fleat ullus amor, quem modo cingit honor. |
| 5 | nam puer innocuus vivens sine crimine lapsus perpetui regni se favet arce frui. |