| 1 | Ad eundem cum me rogaret ad cenam Nectar vina cibus vestis doctrina facultas – muneribus largis tu mihi, Gogo, sat es; tu refluus Cicero, tu noster Apicius extas: hinc satias verbis, pascis et inde cibis. |
| 2 | sed modo da veniam: bubla turgente quiesco, nam fit lis uteri, si caro mixta fremat. |
| 3 | hic, ubi bos recubat, fugiet puto pullus et anser: cornibus et pinnis non furor aequus erit. |
| 4 | et modo iam somno languentia lumina claudo: nam dormire meum carmina lenta probant. |