| 1 | Dominis sanctis atque apostolicis in Christo patribus ecclesiae pontificibus Fortunatus Gloria pontificum, veneratio Christicolarum, norma sacerdotum, culmen et orbis honor, qui loca perspicitis propriae mercedis amore. |
| 2 | succurrendo viris vester ut extet apex: ecce venit praesens Italus, peregrinus et hospes: cernens pastores ne, precor, erret ovis. |
| 3 | qualiter ad patriam properet, solacia poscit: inveniat munus vos vagus exul inops. |
| 4 | me Fortunatum proprium pietate parentum conciliate polo, quaeso, precando deum. |