| 1 | Epitaphium Brumachi Quisquis in hoc tumulo cineres vis nosse sepulti: Brumachius quondam fulsit in orbe potens. |
| 2 | quem sensu, eloquio legati nomine functum, dum remeat patriae, sors inimica tulit. |
| 3 | finibus Italiae raptus, sed Frigia coniunx detulit huc cari funus amando viri. |
| 4 | ceu vivum coluit cui grata est umbra mariti: coniugibus castis ipsa favilla placet. |
| 5 | ipse quater denos permansit in orbe per annos; mox obit et magnum parva sepulchra tegunt. |