Velleius, Historiae Romanae, 1, 18

monumenta.ch > Velleius > 9 > 38 > 28 > 10 > 4 > 34 > 21 > 4 > 5 > 40 > 18 > 24 > 15 > 37 > 29 > 36 > 3 > 50 > 23 > 15 > 35 > 41 > 27 > 33 > 11 > 17 > 25 > 2 > 18
Velleius, Historiae Romanae, 1, XVII <<<

Velleius, Historiae Romanae, 1, Caput XVIII

1 Transit admiratio ab condicione temporum et ad urbium. Una urbs Attica pluribus omnis eloquentiae quam universa Graecia operibus usque floruit adeo ut corpora gentis illius separata sint in alias civitates, ingenia vero solis Atheniensium muris clausa existimes. 2 Neque hoc ego magis miratus sim quam neminem Argivum Thebanum Lacedaemonium oratorem aut dum vixit auctoritate aut post mortem memoria dignum existimatum. 3 Quae urbes eximiae alias talium studiorum fuere steriles, nisi Thebas unum os Pindari inluminaret: nam Alcmana Lacones falso sibi vindicant.