Quaestiones de quolibet, XII, 18, Articulus 3
|
| 1 | Tertio quaesitum est utrum liceat praedicatoribus accipere eleemosynas ab usurariis |
|
|
| 2 | Et videtur quod sic. |
|
| arg | I ad Cor. IX, 11: 'si nos vobis spiritualia seminamus, magnum est si nos carnalia vestra metamus?' |
| a2 | Praeterea, ius naturale habet quod homo vivat de labore suo: 'dignus est enim operarius mercede sua'; I Tim. V, 18. Hoc enim concessum est homini a creatore: 'in sudore vultus tui vesceris pane'; Genes. III, 19. |
| sc | Contra, usurarii nihil habent nisi quod est alienum. |
| co | Respondeo. Dicendum, quod de rapina usurae et huiusmodi, in generali loquendo, non potest fieri eleemosyna; Is., LXI, 8: 'odio habens rapinam in holocausto'. Tamen in speciali casu praedicatoribus qui praedicant usurariis, et monent eos restituere, licitum est accipere; et haec est una ratio. Alia est quando non habent alias unde vivant, et in extrema necessitate omnia sunt communia, et ab omnibus licite accipere ad sustentationem et necessitatem possunt. |