Terentius, Phormio, 5, Scaena VIII. Phormio
| 1 | Tantam fortunam de inproviso esse his datam! |
| 2 | summa eludendi occasiost mihi nunc senes |
| 3 | et Phaedriae curam adimere argentariam, |
| 4 | ne quoiquam suorum aequalium supplex siet. |
| 5 | nam idem hoc argentum, ita ut datumst, ingratiis |
| 6 | datum erit: hoc qui cogam re ipsa repperi. |
| 7 | nunc gestu' mihi voltusque est capiundus novos. |
| 8 | sed hinc concedam in angiportum hoc proxumum, |
| 9 | inde hisce ostendam me, ubi erunt egressi foras. |
| 10 | quo me adsimularam ire ad mercatum, non eo. |