Terentius, Eunuchus, 0, I. Periocha Sulpici Apollinaris
| 1 | Sororem falso dictitatam Thaidis |
| 2 | id ipsum ignorans miles advexit Thraso |
| 3 | ipsique donat. erat haec civis Attica. |
| 4 | eidem eunuchum, quem emerat, tradi iubet |
| 5 | Thaidis amator Phaedria ac rus ipse abit |
| 6 | Thrasoni oratus biduum concederet. |
| 7 | ephebus frater Phaedriae puellulam |
| 8 | cum deperiret dono missam Thaidi, |
| 9 | ornatu eunuchi induitur (suadet Parmeno): |
| 10 | introiit, vitiat virginem. sed Atticus |
| 11 | civis repertus frater eius conlocat |
| 12 | vitiatam ephebo; Phaedriam exorat Thraso. |