Terentius, Andria, 0, I. Periocha Sulpici Apollinaris
| 1 | Sororem falso creditam meretriculae |
| 2 | Genere Andriae, Glycerium, vitiat Pamphilus |
| 3 | Gravidaque facta dat fidem, uxorem sibi |
| 4 | Fore hanc; namque aliam pater ei desponderat, |
| 5 | Gnatam Chremetis, atque ut amorem comperit, |
| 6 | Simulat futuras nuptias, cupiens suus |
| 7 | Quid haberet animi filius cognoscere. |
| 8 | Davi suasu non repugnat Pamphilus. |
| 9 | Sed ex Glycerio natum ut vidit puerulum |
| 10 | Chremes, recusat nuptias, generum abdicat. |
| 11 | Mox filiam Glycerium insperato agnitam |
| 12 | Hanc Pamphilo, aliam dat Charino coniugem. |