Terentius, Adelphi, 5, Scaena VI. Geta Demea
| 1 | GE. Era, ego huc ad hos proviso, quam mox virginem |
| 2 | arcessant. sed eccum Demeam. salvos sies. |
| 3 | DE. O-qui vocare? GE. Geta. DE. Geta, hominem maxumi |
| 4 | preti te esse hodie iudicavi animo meo: |
| 5 | nam is mihi profectost servos spectatus satis, |
| 6 | quoi dominus curaest, ita uti tibi sensi, Geta, |
| 7 | et tibi ob eam rem, siquid usus venerit, |
| 8 | lubens bene faxim. meditor esse adfabilis, |
| 9 | et bene procedit. GE. Bonus es, quom haec existumas. |
| 10 | DE. Paulatim plebem primulum facio meam. |