Terentius, Adelphi, 5, Scaena II. Dromo Demea Syrus
| 1 | DR. Heus Syre, rogat te Ctesipho ut redeas. SY. Abi.- |
| 2 | DE. Quid Ctesiphonem hic narrat? SY. Nil. DE. Eho, carnufex, |
| 3 | est Ctesipho intus? SY. Non est. DE. Quor hic nominat? |
| 4 | SY. Est alius quidam, parasitaster paululus: |
| 5 | nostin? DE. Iam scibo. SY. Quid agis? quo abis? DE. Mitte me. |
| 6 | SY. Noli inquam. DE. Non manum abstines, mastigia? |
| 7 | an tibi iam mavis cerebrum dispergam hic?-SY. Abit. |
| 8 | edepol comissatorem haud sane commodum, |
| 9 | praesertim Ctesiphoni! quid ego nunc agam? |
| 10 | nisi, dum hae silescunt turbae, interea in angulum |
| 11 | aliquo abeam atque edormiscam hoc villi. sic agam. |