Terentius, Adelphi, 0, I. Periocha Sulpici Apollinaris
| 1 | Duos cum haberet Demea adulescentulos, |
| 2 | dat Micioni fratri adoptandum Aeschinum, |
| 3 | sed Ctesiphonem retinet. hunc citharistriae |
| 4 | lepore captum sub duro ac tristi patre |
| 5 | frater celabat Aeschinus; famam rei, |
| 6 | amorem in sese transferebat; denique |
| 7 | fidicinam lenoni eripit. vitiaverat |
| 8 | idem Aeschinus civem Atticam pauperculam |
| 9 | fidemque dederat hanc sibi uxorem fore. |
| 10 | Demea iurgare, graviter ferre; mox tamen, |
| 11 | ut veritas patefacta est, ducit Aeschinus |
| 12 | vitiatam, potitur Ctesipho citharistriam. |