Suetonius, De vita Caesarum, Vespasianus, 18

monumenta.ch > Petrus Venerabilis > 9 > 4 > 3 > 4 > 5 > 5 > 20 > 18
Suetonius, De vita Caesarum, Vespasianus, XVII <<< >>> XIX

Suetonius, De vita Caesarum, Vespasianus, Caput XVIII

1 Primus e fisco Latinis Graecisque rhetoribus annua centena constituit; praestantis poetas, nec non et artifices, Coae Veneris, item Colossi refectorem insigni congiario magnaque mercede donavit; mechanico quoque grandis columnas exigua impensa perducturum in Capitolium pollicenti praemium pro commento non mediocre optulit, operam remisit praefatus sineret se plebiculam pascere.