Suetonius, De vita Caesarum, Nero, 56

monumenta.ch > Petrus Venerabilis > 27 > 47 > 5 > 17 > 25 > 13 > 5 > 4 > 11 > 22 > 17 > 23 > 39 > 3 > 13 > 22 > 12 > 16 > 12 > 19 > 57 > 26 > 31 > 56
Suetonius, De vita Caesarum, Nero, LV <<< >>> LVII

Suetonius, De vita Caesarum, Nero, Caput LVI

1 Religionum usque quaque contemptor, praeter unius Deae Syriae, hanc mox ita sprevit ut urina contaminaret, alia superstitione captus, in qua sola pertinacissime haesit, siquidem imagunculam puellarem, cum quasi remedium insidiarum a plebeio quodam et ignoto muneri accepisset, detecta confestim coniuratione pro summo numine trinisque in die sacrificiis colere perseveravit volebatque credi monitione eius futura praenoscere. Ante paucos quam periret menses attendit et extispicio nec umquam litavit.