Suetonius, De vita Caesarum, Nero, 54

monumenta.ch > Suetonius > 54
Suetonius, De vita Caesarum, Nero, LIII <<< >>> LV

Suetonius, De vita Caesarum, Nero, Caput LIV

1 Sub exitu quidem vitae palam voverat, si sibi incolumis status permansisset, proditurum se partae victoriae ludis etiam hydraulam et choraulam et utricularium ac novissimo die histrionem saltaturumque Vergili Turnum. Et sunt qui tradant Paridem histrionem occisum ab eo quasi gravem adversarium.