Suetonius, De vita Caesarum, Iulius, 63

monumenta.ch > Suetonius > 63
Suetonius, De vita Caesarum, Iulius, LXII <<< >>> LXIV

Suetonius, De vita Caesarum, Iulius, Caput LXIII

1 Non minor illa constantia eius, maiora etiam indicia fuerint. Post aciem Pharsalicam cum praemissis in Asiam copiis per angustias Hellesponti vectoria navicula traiceret, L. Cassium partis adversae cum decem rostratis navibus obvium sibi neque refugit et comminus tendens, ultro ad deditionem hortatus, supplicem ad se recepit.