monumenta.ch > Suetonius > 46
Suetonius, De vita Caesarum, Iulius, XLV <<<     >>> XLVII

Suetonius, De vita Caesarum, Iulius, Caput XLVI

1 Habitavit primo in Subura modicis aedibus, post autem pontificatum maximum in Sacra via domo publica. Munditiarum lautitiarumque studiosissimum multi prodiderunt; villam in Nemorensi a fundamentis incohatam magnoque sumptu absolutam, quia non tota ad animum ei responderat, totam diruisse, quanquam tenuem adhuc et obaeratum; in expeditionibus tessellata et sectilia pavimenta circumtulisse. Suetonius HOME
bnf5801.11 bnf5802.7 bnf6115.12 bnf6116.14 hab268.27