Suetonius, De vita Caesarum, Iulius, 5

monumenta.ch > Suetonius > 7 > 5
Suetonius, De vita Caesarum, Iulius, IV <<< >>> VI

Suetonius, De vita Caesarum, Iulius, Caput V

1 Tribunatu militum, qui primus Romam reverso per suffragia populi honor optigit, actores restituendae tribuniciae potestatis, cuius vim Sulla deminuerat, enixissime iuvit. L. etiam Cinnae uxoris fratri, et qui cum eo civili discordia Lepidum secuti post necem consulis ad Sertorium confugerant, reditum in civitatem rogatione Plotia confecit habuitque et ipse super ea re contionem.