Suetonius, De vita Caesarum, Augustus, 95

monumenta.ch > Suetonius > 26 > 39 > 10 > 22 > 12 > 95
Suetonius, De vita Caesarum, Augustus, XCIV <<< >>> XCVI

Suetonius, De vita Caesarum, Augustus, Caput XCV

1 Post necem Caesaris reverso ab Apollonia et ingrediente eo urbem repente liquido ac puro sereno circulus ad speciem caelestis arcus orbem solis ambiit ac subinde Iuliae Caesaris filiae monimentum fulmine ictum est. Primo autem consulatu et augurium capienti duodecim se vultures ut Romulo ostenderunt et immolanti omnium victimarum iocinera replicata intrinsecus ab ima fibra paruerunt, nemine peritorum aliter coniectante quam laeta par haec et magna portendi.