monumenta.ch > Plautus > 1 > 50 > 92 > 86 > 43 > 10 > 61
Suetonius, De vita Caesarum, Augustus, LX <<<     >>> LXII

Suetonius, De vita Caesarum, Augustus, Caput LXI

1 Quoniam qualis in imperiis ac magistratibus regendaque per terrarum orbem pace belloque re p. fuerit, exposui, referam nunc interiorem ac familiarem eius vitam quibusque moribus atque fortuna domi et inter suos egerit a iuventa usque supremum vitae diem. 2 Matrem amisit in primo consulatu, sororem Octaviam quinquagensimum et quartum agens aetatis annum. Utrique cum praecipua officia vivae praestitisset, etiam defunctae honores maximos tribuit. Suetonius HOME
bnf5801.32 bnf5802.20 bnf6115.49 bnf6116.35 hab268.84