Suetonius, De vita Caesarum, Augustus, 52

monumenta.ch > Suetonius > 52
Suetonius, De vita Caesarum, Augustus, LI <<< >>> LIII

Suetonius, De vita Caesarum, Augustus, Caput LII

1 Templa, quamvis sciret etiam proconsulibus decerni solere, in nulla tamen provincia nisi communi suo Romaeque nomine recepit. Nam in urbe quidem pertinacissime abstinuit hoc honore; atque etiam argenteas statuas olim sibi positas conflavit omnis exque iis aureas cortinas Apollini Palatino dedicavit. Dictaturam magna vi offerente populo genu nixus deiecta ab umeris toga nudo pectore deprecatus est.