monumenta.ch > Solinus > 38 > 41 > 42 > 55 > 43
Solinus, Mirabilia, XLII Galatia. <<<     >>> XLIV Acone portus el Acherusius specus.

Solinus, Mirabilia, Caput XLIII Bithynia. In ea Hannibalis exitus et sepulcrum.

1 Bithynia in Ponti exordio ad partem solis orientis adversa Thraciae, opulenta ac dives urbium, a fontibus Sagari fluminis primos fines habet; ante Bebrycia dicta, deinde Mygdonia, mox a Bithyno rege Bithynia. 2 In ea Prusiadem urbem et adluit Hylas flumen et perspergit Hylas lacus, in quo resedisse credunt delicias Herculi, Hylan puerum, Nymphis rapinam; in cuius memoriam usque adhuc sollemni cursitatione lacum populus circumit et Hylan voce clamant. 3 In Bithyno quoque agro Libyssa locus Nicomediae proximus, sepulcro Hannibalis famae datus; qui post Carthaginense iudicium transfuga ad regem Antiochum, dein post Antiochi apud Thermopylas *pugnatam malam pugnam fractumque regem fortunae vicibus in hospitium Prusiae devolutus, ne traderetur T. Quintio ob hanc causam in Bithyniam misso captivusque Romam veniret, veneni mali poculo animam expulit. Solinus HOME
bav1357.235 bnf6810.35 bnf7230.108 bnf7230.69 bnf7231.66 bsb65390.82 cpl1568.146 csg187.133
© 2006 - 2026 Monumenta Informatik