monumenta.ch > Servius > 43 > 89 > 4 > 84 > 69 > 49 > 81 > 42 > 21 > 72 > 47 > 4 > 76 > 64 > 3 > 43 > 91 > 3 > 43 > 11 > 65 > 52 > 54 > 49 > 47 > 78 > 94 > 19 > 93 > 40 > 45 > 16 > 81 > 74 > 69 > 62 > 52 > 37 > 69 > 22
Servius, in Vergilii Aeneidos Commentarius, 12, Versus 21 <<<    

Servius, in Vergilii Aeneidos Commentarius, 12, Versus 22

1 lm|sunt tibi regna patris dauni sunt oppida|lm argute negat illi sua regna, dicens ei esse alia, ut haec malit Turnus quae sua virtute quaesivit. sensus ergo est: si propter regnum dimicare disponis, habes paternum; si propter gloriam, multos virtute superasti. quod autem dicit 'nec non aurumque animusque Latino est' varie exponitur. namque alii dicunt: habes regnum paternum, habes oppida; etiam a me habes aurum et promptum animum ad danda omnia praeter filiam: ut de se Latinus dixisse videatur de auro, propter illud 'praedivitis urbe Latini'. alii vero sic intellegunt: si propter opes et uxorem dimicaturus es, haec non solus habeo; cuicumque enim Latino est et aurum et animus promptus in generum; ut 'Latino' non de se dicat, sed 'cuicumque de Latio'.
Servius HOME

bav1646.428 bnf7761.71 bnf7959.244 bnf7960.195 bnf10307.459 csg862.281 med221.361

© 2006 - 2025 Monumenta Informatik