Servius, in Vergilii Aeneidos Commentarius, 2, Versus 13
| 1 | lmncipiam|lm deest 'tamen', quia, cum praeponitur 'quamquam', subiungi necesse est 'tamen'. |
| 2 | lm|fracti bello|lm in hoc libro duplex intentio est: ne vel Troiae quod victa est, vel Aeneae turpe videatur esse quod fugit. |
| 3 | lm|fracti bello]|lm bene defendit causam suorum, quod in bello non inpares fuerint. sane amat in adversis hoc verbo uti, ut 'fractae vires' et 'frangimur heu fatis, inquit'. |
| 4 | lm|fatisque repulslm oraculis: ut est 'cum virgo poscere fata': secundum Plautum tribus, vita scilicet Troili, palladii conservatione, integro sepulcro Laomedontis, quod in Scaea porta fuit, ut in Bacchidibus lectum est; secundum alios vero pluribus: ut de Aeaci gente aliquis interesset, unde Pyrrhus admodum puer evocatus ad bellum est; ut Rhesi equi tollerentur a Graecis; ut Herculis interessent sagittae, quas misit Philoctetes, quibus Paris peremptus est, cum ipse non potuisset adferre morte praeventus. |