Servius, in Vergilii Aeneidos Commentarius, 1, Versus 743
| 1 | lm|unde hominum genus|lm si fabulam respicis, a Prometheo intellege, vel a Deucalione et Pyrrha; si autem veritatem requiris, igni, alii de atomis, alii de quattuor elementis. |
| 2 | lm|pecudes|lm pro omnibus posuit. |
| 3 | lm|unde imber|lm scilicet de nubibus, quae secundum Lucretium de terrae anhelitu nascuntur, qui nebulas creat: quae cum altius fuerint elevatae, aut solis calore resolutae aut vi ventorum conpressae mittunt leves pluvias vel exprimunt concitatiores. |
| 4 | lm|et ignes|lm scilicet ex nubium conlisione. nam omnium rerum conlisio ignem creat, ut in lapidibus cernimus, vel attritu rotarum, vel in silvis arborum. |