Servius, in Vergilii Aeneidos Commentarius, 1, Versus 253
| 1 | lm|hic|lm id est talis, ut 'hunc ego te Euryale aspicio', id est talem. |
| 2 | lm|pietatis|lm superius 'in te committere' ait, ut peccato Aeneam et Troianos excuset; hic plus addit: non solum eos non esse malos, sed etiam pios esse. |
| 3 | lm|honos|lm cum secundum artem dicamus honor arbor lepor, plerumque poetae r in s mutant causa metri; os enim longa est, or brevis. hoc quidem habet ratio: sed ecce in hoc loco etiam sine metri necessitate 'honos' dixit. item Sallustius paene ubique 'labos' posuit, quem nulla necessitas coegit. melius tamen est servire regulae. |
| 4 | lm|sic nos in sceptra reponis|lm 'sic', hoc est per naufragia. 'in sceptra' aut ad imperia reservas, aut certe antiqua est licentia communium praepositionum. |
| 5 | lmn sceptra reponis|lm id est restituis in regna quae amisimus. |