Servius, In Vergilii Georgicis commentarii, 3, Ad v. 148
| 1 | oestrum grai vertere vocantes 'vertere' ex soni similitudine ὀνοματοποιίαν fecere: non enim possumus accipere, ex latina lingua mutavere, cum constet graecam primam fuisse. |
| 2 | οἶστρος autem graecum est: latine asilus, vulgo tabanus vocatur. |
| 3 | cui nomen asilo ut "cui Remulo cognomen erat". |
| 4 | oestrum grai vertere v. quomodo 'Grai vertere', cum omnia, quae latina sunt, a graeca ratione descendant? solvit quaestionem: Graeci cum myopem primo dixerint, displicuit nomen, quia proprium non erat: oestrum di xerunt, hoc est quia furiam oestrum vocant; dividit enim furia armenta, cum ab eo stimulantur. |
| 5 | latine vero hoc animal tabanus dicitur. |