Servius, In Vergilii Georgicis commentarii, 2, Ad v. 119
| 1 | balsamaque 'que' vacat, ut "dixitque et proelia voce diremit". |
| 2 | sane balsamum est arbor ipsa, opobalsamum sucus collectus ex arbore - nam ὀπός dicitur sucus - , xylobalsamum lignum ipsius arboris. |
| 3 | probatio autem opobalsami, ut dicit Plinius, haec est, si contra solem feratur et corruptum non sit, manum ferentis exurit. |
| 4 | semper frondentis acanthi arbor in Aegypto, semper frondens, ut oliva, laurus; acanthos dicta, quia spinis est plena. |
| 5 | abundat hac etiam Cercina insula. |