Servius, In Vergilii Eclogarum commentarii, 9, Ad v. 27
| 1 | vare tuum nomen ordo est 'Vare tuum nomen sublime ferent ad sidera cantantes cycni', id est poetae: sic Horatius de Pindaro "multa Dircaeum levat aura cycnum". |
| 2 | sane blanditur Alfeno Varo, qui, Pollione fugato, legatus transpadanis praepositus est ab Augusto. |
| 3 | superet modo mantva nobis supersit, reddatur. |
| 4 | et hoc dicit: si nobis Mantua fuerit reddita, faciam ut te celebrent omnes poetae. et bene affectiose de patria, quasi dubium (sit), an superfutura sit. |