Servius, In Vergilii Eclogarum commentarii, 9, Ad v. 23
| 1 | tityre dum redeo b. e. v. p. c. Theocriti sunt versus, verbum ad verbum translati, sed tamen Vergilii negotium continentes: nam allegoricos imperat suis, ut rem tueantur, nec tamen audeant contra Arrii praeceptum venire. |
| 2 | sed hoc aut de ipso Ver gilii carmine Lycidas retulit; aut, ut alii putant, conversus ad grega lem suum Tityrum dicit. |
| 3 | et bene dum promittunt se cantaturos, ni hilominus dicunt. |
| 4 | sane quaeritur, utrum in his tribus versibus per fectum carmen sit, an initium alterius carminis inperfecti. |
| 5 | inter agendum dum agis. |
| 6 | et honesta locutio est, si dicamus, inter cenandum hoc sum locutus: Afranius "inter loquendum", Ennius "in ter ponendum". |