Servius, In Vergilii Eclogarum commentarii, 6, Ad v. 3
| 1 | cum canerem reges et proelia cum canere vellem. |
| 2 | et significat aut Aeneidem aut gesta regum Albanorum, quae coepta omisit nominum asperitate deterritus. |
| 3 | alii Scyllam eum scribere coepisse dicunt, in quo libro Nisi et Minois, regis Cretensium, bellum describebat; alii de bellis civilibus dicunt; alii de tragoedia Thyestis. |
| 4 | cynthius Apollo a Cyntho monte Deli, in quo natus est. |
| 5 | aurem vellit id est movit: alibi "postesque a cardine vellit". |
| 6 | 'aurem' autem ideo, quia memoriae consecrate est, ut frons Genio, digiti Minervae, genua Misericordiae. |