| 1 | est etiam alternis febris rediviva diebus, |
| 2 | tempora discernens quasi iustae pondere librae. |
| 3 | Vt possis igitur talem prohibere furorem, |
| 4 | involves cera sine caudis grana cumini |
| 5 | puniceaeque indes pelli colloque ligabis. |
| 6 | Pulei ramus lanae velatus amictu |
| 7 | tempore suspecto medicos praebebit odores. |
| 8 | Praeterea tritus cimex sorbendus in ovo, |
| 9 | horridus attactu, sed gustu commodus apto. |