Serenus Sammonicus, Medicinalis, XLVII. Subitaneo dolori, febri atque ostocopo
| 1 | nunnunquam existit subiti nova causa doloris, |
| 2 | cuius origo latet, certis reprimenda medelis. |
| 3 | Namque chelidoniam mixto sale nectere prodest |
| 4 | velleraque infuso recalentia sulphure sanant. |
| 5 | Ostocopum lento conducit melle perungui. |
| 6 | Sin autem calidae depascent corpora febres, |
| 7 | tunc apii sucus leni sociatur olivo: |
| 8 | membra lines, fotuque ferus mulcebitur ignis. |
| 9 | Nec spernendus adeps, dederit quem bestia meles. |
| 10 | Seminecis cervi lacrimam immiscere liquori |
| 11 | convenit atque artus illinc mulcere calentes. |
| 12 | Febribus at longis galli nova iura vetusti |
| 13 | subveniunt, tremulis etiam medicantia membris. |