Serenus Sammonicus, Medicinalis, XXXVII. Furunculo medendo
| 1 | cum sanguis nimius puri permixtus atroci |
| 2 | aestuat et papulas alte sustollit acutas, |
| 3 | resinam misces et saxis hordea fracta: |
| 4 | conspersa haec tepidis apponere convenit undis. |
| 5 | Vis et hyoscyamum cerae sevoque iugatum |
| 6 | nectere? Non minus haec poterit medicina iuvare. |
| 7 | Praeterea fimus, ex gallo quod legeris album, |
| 8 | imbribus ex acidis fidens appone dolenti. |
| 9 | Auribus aut pecudis molles expromito sordes, |
| 10 | unguine quo fotis dabitur medicina papillis. |