monumenta.ch > Seneca > 26 > 19 > 10 > 38
Seneca, de Ira, 3, XXXVII <<<     >>> XXXIX

Seneca, de Ira, 3, Caput XXXVIII

1 Contumeliam tibi fecit aliquis: numquid maiorem quam Diogeni philosopho Stoico, cui de ira cum maxime disserenti adulescens protervus inspuit? Tulit hoc ille leniter et sapienter: 'non quidem' inquit 'irascor, sed dubito tamen an oporteat irasci.' 2 Quanto noster melius! qui, cum agenti causam in frontem mediam quantum poterat adtracta pingui saliva inspuisset Lentulus ille patrum nostrorum memoria factiosus et inpotens, abstersit faciem et 'adfirmabo' inquit 'omnibus, Lentule, falli eos qui te negant os habere.'Seneca HOME
bnf15086.190