Seneca, de Beneficiis, 7, 24

monumenta.ch > Seneca > 37 > 16 > 36 > 22 > 40 > 11 > 14 > 29 > 11 > 19 > 2 > 5 > 31 > 15 > 18 > . . . > 27 > 107 > 4 > 15 > 17 > 21 > 12 > 13 > 24
Seneca, de Beneficiis, 7, XXIII. <<< >>> XXV.

Seneca, de Beneficiis, 7, XXIV.

1 Socrates amicis audientibus: "Emissem, inquit, pallium, si nummos haberem". Neminem poposcit, onmes admonuit; a quo acciperet, ambitus fuit. Quidni esset? Quantulum enim erat, quod Socrates accipiebat? at multum erat, eum fuisse, a quo Socrates acciperet. Num illos castigare mollius potuit? Emissem, inquit, pallium, si nummos haberem. Post hoc quisquis properavit, sero dat; iam Socrati defuit. Propter acerbos exactores repetere prohibemus: non ut nunquam fiat, sed ut parce.