monumenta.ch > Seneca > 12 > 11 > 10 > 18 > 21
Seneca, de Beneficiis, 7, XX. <<<     >>> XXII.

Seneca, de Beneficiis, 7, XXI.

1 Pythagoricus quidam emerat a sutore phaecasia, rem magnam, non praesentibus immmis. Post aliquot dies venit ad tabernam redditurus, et quum clausam diu pulsaret, fuit qui diceret: "Quid perdis operam? sutor ille quem quaeris, elatus, combustus est. Quod nobis fortasse molestum est, qui in aeternum nostros amittimus; tibi minime, qui scis futurum ut renascatur: iocatus in pythagoricum. At philosophus noster tres aut quatuor denarios non invita manu, domum retulit, subinde concutiens. Deinde quum reprehendisset hanc suam non reddendi tacitam voluptatem, intelligens arrisisse sibi illud lucellum, redit ad eamdem tabernam, et ait: ille tibi vivit: redde, quod debes. Deinde per clostrum, qua se commissura laxaverat, quatuor denarios in tabernam inseruit, ac misit, poenas a se exigens improbae cupiditatis, ne alieno assuesceret. Seneca HOME
bav1547.244