monumenta.ch > Seneca > 9 > 18
Seneca, de Beneficiis, 6, XVII. <<<     >>> XIX.

Seneca, de Beneficiis, 6, XVIII.

1 Plato, quum flumen nave transisset, nec ab illo quidquam portitor exegisset, honori hoc suo datum credens, dixit positum illi esse apud Platonem officium. Deinde paulo post, quum alium atque alium gratis eadem transveheret sedulitate, negavit illi iam apud Platonem positum officium. Nam ut tibi debeam aliquid, pro eo quod praestas, debes non tantum mihi praestare, sed tanquam, mihi; non potes ob id quemquam appellare quod spargis in populum. Quid ergo? nihil tibi debebitur pro hoc? tanquam ab uno, nihil? cum omnibus solvam, quod tibi cum omnibus debeo. Seneca HOME
bav1547.187