Seneca, de Beneficiis, 6, 1

monumenta.ch > Seneca > 14 > 53 > 49 > 7 > 25 > 65 > 72 > 26 > 38 > 23 > 46 > 79 > 80 > 44 > 77 > 34 > 43 > 22 > 52 > 37 > 30 > 40 > 36 > 28 > 48 > 24 > 7 > 71 > 73 > 76 > 1
>>> Seneca, de Beneficiis, 6, II.

Seneca, de Beneficiis, 6, I.

1 Quaedam, Liberalis, virorum optime, exercendi tantum ingenii causa quaeruntur, et semper extra vitam iacent: quaedam et dum quaeruntur, oblectamento sunt, et quaesita usui. Omnium tibi copiam faciam; tu illa, utcumque tibi visum erit, aut peragi iubeto, aut ad explicandum ludorum ordinem induci. His quoque, si abire protinus iusseris, nonnihil actum erit: non etiam quod discere supervacuum est, prodest cognoscere. Ex vultu igitur tuo pendebo, prout ille suaserit mihi: alia detinebo diutius, alia expellam, et ea perire agam.