monumenta.ch > Seneca > 12 > 11 > 10 > 18
Seneca, de Beneficiis, 5, XVII. <<<     >>> XIX.

Seneca, de Beneficiis, 5, XVIII.

1 "In infinitum, heus, inquit, me obligas, quum dicis, et nostris; itaque pone aliquem finem. Qui filio beneficium dat, ut dicis, et patri eius dat. Primum unde, quo, quaero. Deinde illud utique mihi determinari volo, si et patri beneficium datur, numquid et fratri? numquid et patruo? numquid avo? numquid uxori, et socero? Dic mihi, ubi debeam desinere, quousque personarum seriem sequar". - Si agrum tuum coluero, tibi beneficium dedero: si domum tuam ardentem restinxero, aut ne concidat excepero, tibi beneficium non dabo? Si servum tuum servavero, tibi imputabo: si filium tuum servavero, non habebis beneficium meum? Seneca HOME
bav1547.160