Seneca, de Beneficiis, 3, 25

monumenta.ch > Seneca > 35 > 4 > 22 > 1 > 12 > 15 > 31 > 13 > 23 > 14 > 7 > 27 > 23 > 26 > 39 > 21 > 17 > 16 > 22 > 25
Seneca, de Beneficiis, 3, XXIV. <<< >>> XXVI.

Seneca, de Beneficiis, 3, XXV.

1 Bello civili, proscriptum dominum servus abscondit; et quum annulos eius sibi aptasset, ac vestem induisset, speculatoribus occurrit: nihil se deprecari, quo minus imperata peragerent, dixit; et deinde cervicem porrexit. Quanti viri est pro domino eo tempore mori velle, quo erat rara fides, dominum mori nolle! in publica crudelitate mitem inveniri, in publica perfidia fidelem! quum praemia proditionis ingentia ostendantur, praemium fidei, mortem concupiscere!