monumenta.ch > Seneca > 23 > 24
Seneca, de Beneficiis, 3, XXIII. <<<     >>> XXV.

Seneca, de Beneficiis, 3, XXIV.

1 Corfinium Caesar obsidebat: tenebatur inclusus Domitius. Imperavit medico eidemque servo sue ut sibi venenum daret. Quum tergiversantem videret: "Quid cunctaris, inquit, tanquam tua in potestate totum istud sit? mortem rogo armatus. Tum ille promisit, et medicamentum innoxium bibendum illi dedit: quo quum sopitus esset, accessit ad filium eius: Iube me, inquit, asservari, dum ex eventu intelligas, an venenum patri tuo dederim. Vixit Domitius, et servatus a Caesare est: prior tamen illum servus servaverat. Seneca HOME
bav1547.84