monumenta.ch > Seneca > CAPUT 29
Seneca, Naturales quaestiones, Liber VI De Terrae motu, , 28 <<<     >>> 30

Seneca, Naturales quaestiones, VI De Terrae motu, CAPUT 29

1 Nam aliquos insanis attonitisque similes discurrere fecit metus, qui excutit mentes, ubi priuatus ac modicus est: quid? ubi publice terret, ubi cadunt urbes, populi opprimuntur, terra concutitur, quid mirum est animos inter dolorem et metum destitutos aberrasse? Non est facile inter magna mala consipere.2 Itaque leuissima fere ingenia in tantum uenere formidinis ut sibi exciderent.3 Nemo quidem sine aliqua iactura sanitatis expauit, similisque est furentis quisquis timet: sed alios cito timor sibi reddit, alios uehementius perturbat et in dementiam transfert.4 Inde inter bella errauere lymphatici, nec usquam plura exempla uaticinantium inuenies quam ubi formido mentes religione mixta percussit.Seneca HOME
bnf6286.34 bnf6387.18