monumenta.ch > Gregorius Turonensis > V. > CAPUT 21
Seneca, Naturales quaestiones, Liber III, De aquis terrestribus, , 20 <<<     >>> 22

Seneca, Naturales quaestiones, III, CAPUT 21

1 In quosdam specus qui despexere, moriuntur; tam uelox malum est, ut transuolantes aues deiciat: talis est aer, talis locus, ex quo letalis aqua destillat.2 Quod si remissior fuit aeris et loci pestis, ipsa quoque temperatior noxa nihil amplius quam temptat neruos uelut ebrietate torpentes.3 Nec miror, si locus atque aer aquas inficit similesque regionibus reddit, per quas et ex quibus ueniunt: pabuli sapor apparet in lacte, et uini uis existit in aceto.4 Nulla res est, quae non eius, quo nascitur, notas reddat.Seneca HOME
bnf6286.54 bnf6387.53