monumenta.ch > Seneca > CAPUT 10
Seneca, Naturales quaestiones, Liber I, , 9 <<<     >>> 11

Seneca, Naturales quaestiones, I, CAPUT 10

1 Similis uarietas in coronis est; sed hoc differunt, quod coronae ubique fiunt, ubicumque sidus est, arcus non nisi contra solem, uirgae non nisi in uicinia solis.2 Possum et hoc modo differentiam omnium reddere: coronam si diuiseris, arcus erit; si direxeris, uirga.3 In omnibus color multiplex, ex caeruleo fuluoque uarius.4 Virgae soli tantum adiacent, arcus solares lunaresque sunt, coronae omnium siderum.Seneca HOME
bnf6286.43 bnf6387.34