monumenta.ch > Seneca > 19 > 15 > 22 > 24 > 18 > 32 > 21 > 38 > 17 > 34 > 28 > 34 > 18 > 22 > 16 > 25 > 11 > 15 > 13 > 24 > 24 > 21 > 28
Seneca, De Beneficiis Ed.2, 6, 27 <<<     >>> 29

Seneca, De Beneficiis Ed.2, 6, 28

1 " Si vota," inquit, " valuissent, et in hoc valuissent, ut tutus esses".2 Primum certum mihi optas periculum sub incerto auxilio.3 Deinde utrumque certum puta: quod nocet, prius est.4 Praeterea tu condicionem voti tui nosti, me tempestas occupavit portus ac praesidii dubium.5 Quantum tormentum existimas, etiam si accepero, eguisse? Etiam si servatus fuero, trepidasse? Etiam si absolutus fuero, causam dixisse? Nullius metus tam gratus est finis, ut non gratior sit solida et inconcussa securitas.6 Opta, ut reddere mihi beneficium possis, cum opus erit, non, ut opus sit.7 Si esset in tua potestate, quod optas, ipse fecisses.Seneca HOME
bnf6331.121 bnf6383.102 bnf15085.262 med7636.63