Seneca, De Beneficiis Ed.2, 3, 24

monumenta.ch > Seneca > 24
Seneca, De Beneficiis Ed.2, 3, 23 <<< >>> 25

Seneca, De Beneficiis Ed.2, 3, 24

1 Corfinium Caesar obsidebat, tenebatur inclutus Domitius; imperavit medico eidemque servo suo, ut sibi venenum daret.2 Cum tergiversantem videret: " Quid cunctaris," inquit, " tamquam in tua potestate totum istud sit? Mortem rogo armatus".3 Tum ille promisit et medicamentum innoxium bibendum illi dedit; quo cum sopitus esset, accessit ad filium eius et: " Iube," inquit, " me adservari, dum ex eventu intellegis, an venenum patri tuo dederim".4 Vixit Domitius et servatus a Caesare est; prior tamen illum servus servaverat.