monumenta.ch > Seneca > 20
Seneca, De Beneficiis Ed.2, 3, 19 <<<     >>> 21

Seneca, De Beneficiis Ed.2, 3, 20

1 Errat, si quis existimat servitutem in totum hominem descendere.2 Pars melior eius excepta est.3 Corpora obnoxia sunt et adscripta dominis; mens quidem sui iuris, quae adeo libera et vaga est, ut ne ab hoc quidem carcere, cui inclusa est, teneri queat, quominus impetu suo utatur et ingentia agat et in infinitum comes caelestibus exeat.4 Corpus itaque est, quod domino fortuna tradidit; hoc emit, hoc vendit; interior illa pars mancipio dari non potest.5 Ab hac quidquid venit, liberum est; nec enim aut nos omnia iubere possumus aut in omnia servi parere coguntur; contra rem publicam imperata non facient, nulli sceleri manus commodabunt.Seneca HOME
bnf6331.109 bnf6383.45 bnf15085.212 med7636.29