| 1 | [ Lugdunensi, viro per eas tempestates clarissimo, cuius filios Salonium et Veranum Salvianus in disciplina habuerat, uti dictum est supra. Ad eum rursum scribit Salvianus epistolam octavam.] Eucherio episcopo Salvianus. Ursicinus alumnus tuus salutationem tuam proxime ad me detulit: si non iussus, laudo sapientiam, licet non probem falsitatem: si iussus, miror quod mandare amoris officium quam scribere maluisti, hoc est per servum potius quam per te dare. |
| 2 | Arguo itaque hoc et emendari volo; si tamen negligentiae est, non superbiae. [ Stephanus Tornacensis epist. 61: Vivat in aliis illud vulgare proverbium: Honores mutant mores. Iordanus in epistola ad G. Priorem apud Duchesnium tom. IV, pag. 755: Nunc autem rogo ne sit veridicum de vobis illud vulgare proverbium: Honores mutant mores. Arnulphus Lexoviensis epist. 2: Creat enim cor novum et novos affectus novae conscientia dignitatis. Vide notas ad epistolam 109 Lupi Ferrariensis.]Pedissequa enim plerumque novi honoris est arrogantia: licet in te nec generalis vitii opinio admittenda sit, quia prope singularis est mens ac benignitas tua. Unde responderi a te antiquae existimationi meae etiam nunc iugiter cupio, ne si in quibusdam officiorum tuorum mos discrepavit, aliquid in te novis honoribus licuisse videatur. |